Tema  : Perpisahan

 Pidato Bahasa Madura dengan tema: Perpisahan

Assalamualaikum warahmatullahi wabarakatuh.

Bapak kepala sekolah, bapak ebhu guru, para wali mored sekaula moljaaghi, sareng kanca-kanca se kaula taresnae.

Yatore panjennangan sadhaja areng-sareng moji asma epon ALLAH S.W.T sopaja eparenge rahmat sareng hidayah epon. Sareng semarenge omor kantos samangken, saenggha kaula sareng panjennengan bisa akompol ekennengan ka’dinto.

Sebadha kaula moljaaghi.

Edhalem acara perpisahan mored kellas IX SMPN 2 Bangkalan kaula mekkelaghi kanca-kanca matoraghi sakalangkong se banyak ka bapak ebhu guru se ampon adidik kaula sareng kanca-kanca sadhaja.

Salaen matoraghi sakalangkong, kaula sadhaja jugha matoraghi sapora  manabi badha tengka se tak sae sareng se tak merengaghi dhabu epon bapak ebhu guru ekellas.

Moga-moga jasa bapak ebhu guru eparenge ghanjharan dhari ALLAH S.W.T. Amin.....

Sebadhan kaula moljaaghi.

Kaula matoraghi moga-moga kanca-kanca bisa nerrosaghi ka sakola’an se lebbhi tengghi, sareng moga-moga dadhi oreng se aghuna badhi bhangsa sareng naghara.

Kaula matoraghi sakalangkong ka sadhaja epon wali mored senyampataghi rabu ka acara perpisahan kellas IX SMPN 2 Bangkalan.

Ampon ghan ka’dinto bisaos pamator badhan kaula manabi badha pamator badhan kaula se korang sopan badha kaula nyo’on epon sapora dha’ sadhaja epon.

Wassalamualaikum warahmatullahi wabarakatuh.